7.
अनंत जुगाचा देव्हारा । निजबोधाचा घुमारा ।
अवचित भरला वारा । या मल्हारी देवाचा ॥१॥
शुद्ध सत्वाचा कवडा मोठा । बोध बिरडे बांधला गांठा ।
गळा वैराग्याचा पट्टा । वाटा दाऊ भक्तीच्या ॥२॥
हृदय कोटंबा सागाते । घोळ वाजवू अनुहाते ।
ज्ञानभांडाराचे पोते । रिते नव्हे कल्पाती ॥३॥
लक्ष चौर्‍यांशी घरे चारी । या जन्माची केली वारी ।
प्रसन्न झाला देव मल्हारी । सोहंभावी राहिलो ॥४॥
या देवाचे भरता वारे । अंगी प्रेमाचे फेपरे ।
गुरु गुरु करी वेडेचारे । पाहा तुके भुंकविले ॥५॥