170.
मागीलही जन्म आठवती काही ।
त्वरा जाली देही मृत्युवेळे ॥१॥
यालागी राहिले सांगणे मागील ।
साधने प्रबळ होती खरी ॥२॥
देह-प्राक्तनाचे भोगिले संचित ।
स्वस्वरूपे चित्त भूमिका क्रमी ॥३॥
सप्तही भूमिका वैराग्य सांगाती ।
स्वधर्म विरक्ति संपादिली ॥४॥
विदेह-अवस्था भूमिका सातवी ।
ते येथे अनुभवी साधियेली ॥५॥
सरले संचित प्राक्तन देहाचे ।
माझी मज साची साक्ष याची ॥६॥
तरा जन्म सर्व भूमिका साधिल्या ।
वृत्तिही राहिल्या निमग्नता ॥७॥
बहेणि म्हणे काही न धरू संदेह ।
विवेके विदेहदशा आली ॥८॥