2886.
जडलो तो आता पायी । होऊ काई वेगळा ॥१॥
तुम्ही संती कृपा केली । गंगे चाली ओघाची ॥धृपद॥
सांभाळिलो मायबापा । केलो तापावेगळा ॥२॥
वोरसे या जीव धाला । तुका ठेला मौन्यचि ॥३॥

अर्थ :
हे संतजनहो मी आता तुमच्या पायाशी जडलो गेलो आहे आता मग त्यापासून मी वेगळा होईल काय ? गंगेचा ओघ ज्याप्रमाणे रस्त्यातील सर्व लोकांचे पाप धुवून टाकते सर्व वृक्षांना सर्वांनाच तृप्त करते त्याप्रमाणे तुम्ही संतांनी माझ्यावर कृपा केली आहे. हे मायबापानो तुम्ही माझा सांभाळ केला आणि मला त्रिविधतापापासून वेगळे केले आहे. तुकाराम महाराज म्हणतात, हे संतजनहो तुमच्या कृपा आर्शिवादाने तुमच्या प्रेमाने माझा जीव तृप्त झाला आहे त्यामुळे अधिक काय बोलावे त्यामुळेच मी मौन धारण केले आहे.