106.
मेघ: शाम वर्ण झालासी सगुण । कार्य आणि कारण तुज नमो ॥१॥
गुंजाहार गळा मयुरपुच्छे वेंटी । कृपाळु जगजेठी तुज नमो ॥२॥
वनपुष्पमाळा अपाद शोभती । लक्षुमीच्या पति तुज नमो ॥३॥
वेणू वाजविसी गायी त्या चारीसी । न कळे कोणासी तुझी लीला ॥४॥
हाती तुझ्या कवळ शोभे पीतांबर । चरण सुंदर तुज नमो ॥५॥
घेवोनी अवतार दुष्टांसी मारिसी । भक्तांसी रक्षिसी निरंतर ॥६॥
रावण कुंभकर्ण मारीसी आत्मारामा । सोड विले आह्मा बंदीहुनी ॥७॥
तुझे मी बालक वेडे अविचारी । नामा ह्मणे करी कृपा आता ॥८॥