3760.
काकुलती येतो हरी । क्षणभरी निवडिता ॥१॥
तुमची मज लागली सवे । ठायीचे नवे नव्हो गडी ॥धृपद॥
आणीक बोलाविती फार । बहु थोर नावडती ॥२॥
भाविके त्यांची आवडी मोठी । तुका म्हणे मिठी घाली जिवे ॥३॥

अर्थ :
क्षणभर जरी आम्ही हरीला बाजूला केले तरी तो काकुळतीला येतो. तो म्हणतो, तुमचा मला लळा लागलेला आहे. तुम्ही माझे सुरवातिपासूनचे सवंगडि आहात, नविन नाहीत. इतर अनेक थोर, श्रेष्ट लोक मला बोलवितात; परंतु ते मला अवडत नाहीत. तुकाराम महाराज म्हणतात, त्याला भाविक भक्तांची फार आवड आहे. त्यांना तो जीवे भावे मीठी मारतो.