3759.
मागायास गेलो सिदोरी । तुझ्या मायेघरी गांजियेलो ॥१॥
तुजविण ते नेदी कोणा । सांगता खुणा जिवे गेलो ॥धृपद॥
वायाविण केली येरझार । आता पुरे घर तुझी माया ॥२॥
तुका म्हणे तू आम्हा वेगळा । राहे गोपाळा म्हणउनी ॥३॥

अर्थ :
आम्ही शिदोरि मागायला तुझ्या घरी गेलो तर तुझ्या आईने आम्हाला खुप त्रास दिला. ती तुझ्या शिवाय इतरांना काही देत नाही. ओळखीच्या काहि खुणा सांगून सांगून जीव जाण्याची वेळ आली. फुकटच हेलपाटा मात्र झाला. तुझे घर, तुझी आई यांचा संबंध आम्हाला नको. तुकाराम महाराज म्हणतात, हे श्रीकृष्णा, आम्हाला सोडून तू राहतोस म्हणून हे असे होते.