3761.
वरता वेंघोनि घातली उडी । कळंबा बुडी यमुनेसी ॥१॥
हरी बुडाला बोंब घाला । घरची त्याला ठावा नाही ॥धृपद॥
भवनदीचा न कळे पार । काळिया माजी थोर विखार ॥२॥
तुका म्हणे काय वाउग्या हाका । हातींचा गमावुनि थिंका ॥३॥

अर्थ :
यमुना तीरी असलेल्या कदंब वृक्षावर श्रीकृष्ण चढला व तेथून त्याने यमुनेत उडी मारली. 'श्री हरी बुडाला' अशी तेव्हा चहुकडे ओरड झाली. त्याच्या घरच्या लोकांना तर कोणालाच काळाले नाही. यमुने च्या पात्रात विषारी कालिया आहे. तुकाराम महाराज म्हणतात, हाती असलेला हरी सोडता आणि आता उगाच हाका मारता आणि का रडत बसता ?