3875.
मी संता घरचा महार । करितोजोहार ॥धृ.॥ विवेक नाईक मांझे नांव । मीपणआले अंहभाव । पंचभूतांचा वसविला गांव । रस्तेचार ॥१॥ आत्माधनी पाटीलबाबा । मनाजीपाटील चालवी गांवा । बुधोबा शेट्या बळकटरावा । घरांत बसली असे आवा । खेळवि पोर ॥२॥ दहाइंद्रिये नऊ वेशी । रहातों दहावें खिडकीशीं । माझा मीच मुळ मिराशीं । लक्ष संतांचे चरणापाशीं । सांगतो विचार ॥३॥ कौल शतवर्षाचे मुळ । कामाजी देशपांड्या खळ । क्रोध देशमुख सबळ । नेणे सरकार ॥४॥ हिशोब पडेल जमा सरकारी । येईल यमाजीची स्वारी । जीवाजी धरूनीकारभारी । वोस पडेल नगरी सारी । देतीलमार ॥५॥ शेवटी नाही तुमचे धड । पडेलचौऱ्याऐंशीचे कोड । मी तो राहीन एकीकडे । जीवाजी वर पडेल सांकडे । सांगतो सार ॥६॥ आवडी राखा मजवर हेत । मीच करीन तुमचेहित । नामस्मरणी लावा चित्त । एका जनार्दनीविठ्ठल विठ्ठल म्हणत । हाचि निर्धार ॥७॥