2408.
काय धर्म नीत । तुम्हा शिकवावे हित ॥१॥
अवघे रचियेले हेळा । लीळा ब्रम्हांड सकळा ॥धृपद॥
नाम महादेव । येथे निवडला भाव ॥२॥
तुका म्हणे वेळे । माझे तुम्हा का न कळे ॥३॥

अर्थ :
हे शंकरा आम्ही तुम्हाला धर्म नीती काय म्हणून शिकवावे? तुम्ही एका क्षणांमध्ये सर्व ब्रह्मांडाची लीला करून रचना केली आहे. देवा तुमचे नावच महादेव आहे म्हणजे येथे तुमच्या नावातच सर्व भेद निवडला गेला आहे महादेव म्हणजे सर्व देवांमध्ये तुम्ही महान आहात. तुकाराम महाराज म्हणतात अहो महादेवा तुम्ही सर्व जगाचे कल्याण करता परंतु माझ्या वेळेसच तुम्हाला माझे कल्याण करावे हीत करावे असे का कळत नाही?