3917.
सटवाई ३९१७

नमो आदिमाया भगवती । हरिहरध्यानाची आकृती । चंद्रसुर्य कानी लोळतीं । गळावैजयंती शोभती । बया बैस ॥१॥ आली आली रेसटवाईआली ॥धृ.॥ पांच दगडमांडुनी । वर शेंदुरआरादुनी । माथा मुगुट शोभुनी । दारवंटा पुजुनी । बया बैस ॥२॥ लिंबे नारळांनी । पुजा पुजी सटवाईम्हणुनी । नवसा पावेलची ती कर जोडुनी । बयाबैस ॥३॥ चहुं वर्णाची याती । अठराजण कपाळीलावीती विभुती । निवद बोन करिती । वर पाळणाटांगिती । बया बैस ॥४॥ कामक्रोध बकरी मारुनी । चैत्रमासी होम करूनी । रावण कुंभकर्णहिरण्यकश्यपुची आहुती देऊनीं । अंबा अष्टांगबसुनी । बया बैस॥५॥अष्टगण दिक्पाळ । तेहतीस कोटी भुतावळ । अठ्याऐंशी सहस्त्र मेळ । ज्ञान टेंबा पाजळोन । बया बैस॥६॥ अंबेचीवर्णावया कांती । घटींघटस्थान करिती । पुढे वेताळभैरव नाचती । वैष्णव मेळी कल्लोळ करिती । बयाबैस॥७॥नऊ खंडे पृथ्वीवरी उभी राहुनी । नऊअवतार नटुनी । शेवटी प्रगट रुपे धरूंनी । कलंकीमाजी समुळ नाश करूंनी । बया बैस ॥८॥ उदो उदोशब्द गाजुनी । राऊळी भक्तहांकांमारुनीदारवंटा हात जोडुनी । अंबास्तवीली प्रीती करुनी । बया बैस ॥९॥ मग झाली अंबा प्रसन्न । सावळेरूप प्रगटोन । एका जनार्दनी नेम धरून । गेलीसंतांसी दर्शन देऊन । बैसविली स्वयंभुस्थानी । बया बैस ॥१०॥