2578.
बहु जन्मांतरे फेरे । केले येरे सोडवी ॥१॥
आळवितो करुणाकरे । विश्वंभरे दयाळे ॥धृपद॥
वाहवतो मायापुरी । येथे करी कुढावा ॥२॥
तुका म्हणे दुजा कोण । ऐसा सीण निवारी ॥३॥

अर्थ :
देवा मी आजवर खूप जन्मामध्ये फिरलो आहे आता तू ये आणि मला यातून मुक्त कर. हे करुणाकरा विश्वंभरा दयाळा मी तुला आळवित आहे. देवा मी मायेच्या पुरात वाहत चाललो आहे तरी तू माझे रक्षण कर. तुकाराम महाराज म्हणतात देवा तुझ्या वाचून दुसरा कोण माझे दुःख निवारण करणार आहे.