3341.
नाही आम्ही विष्णुदास । करीत आस कोणांची ॥१॥
का हे नष्ट करिती निंदा । नेणो सदा आमुची ॥धृपद॥
असो भलते ठायी मने । समाधाने आपुल्या ॥२॥
तुका म्हणे करू देवा । तुझी सेवा धंदा तो ॥३॥

अर्थ :
आम्ही विष्णूदास आहोत आम्ही कशाचीही अपेक्षा करत नाहीत. असे असून देखील हे दुष्ट लोक आमची नेहमी निंदा का करतात हे काही कळत नाही. आम्ही कोठेही असो कोणत्याही परिस्थितीत असोकग आमचे मन समाधानी असते व आमच्या परिस्थितीशीही आम्ही समाधानी असतो. तुकाराम महाराज म्हणतात, देवा आता आम्हाला कोणी काहीही म्हणो कितीही आमची कोणी निंदा करो परंतू आम्ही तुमच्या सेवेचाच धंदा नेहमी करत राहू.