68.
मध्ये परमात्मा श्रीहरी ।
दधिओदन घेऊनि करी ।
कवळ त्यांचिये मुखों भरी ।
आणि स्वीकारी आपणही ॥१॥
हे देखोनिया चतुरानने ।
परम संकोच मानिला मंने ।
मग म्हणे हे सध्यास्नाने ।
काहीची न करिती गोंवळ ॥२॥
आम्ही याचे शेष घेणे ।
तै ब्रम्हत्वा मुकणे ।
यज्ञी अग्रपूजेचे आवंतणे ।
कैचे येईल मग आम्हा ॥३॥
याते नाही यज्ञाचार ।
दीक्षा अथवा शिखासूत्र ।
आम्ही सोवळे निरंतर ।
करु उच्चारु वेदाचा ॥४॥
सोवळे ओेंवळे नाही यांसी ।
केले अपोषण्‍ कर्मासी ।
सेविता याचिया उच्छिष्टासी ।
होईल प्रत्यवायासी निजमूळ ॥५॥
प्रायश्चितेही घेता ।
न फिटे विटाळ तत्वता ।
ऐसे विचारुनिया विधाता ।
पालटी तत्वता ब्रम्हपण ॥६॥
निळा म्हणे ज्याचा तया ।
संदेह बाधी त्या नांव माया ।
मग तो रुप पालटूनिया ।
झाला गोंवळ वेषधारी ॥७॥