3562.
(पंढरीस जाणाऱ्या वारकऱ्यांबरोबर देवास पत्र)
पुढे तरी चित्ता । काय येईल ते आता ॥१॥
मज सांगोनिया धाडी । वाट पाहातो बराडी ॥धृपद॥
कंठी धरिला प्राण । पायापाशी आले मन ॥२॥
तुका म्हणे चिंता । बहु वाटतसे आता ॥३॥

अर्थ :
आता यापुढे देवा तुमच्या चित्तामध्ये काय येईल काय माहित. देवा आता तरी कोणाच्या हाती तू मला पंढरीला येण्यासाठी निरोप धाड मी भिकाऱ्यासारखा तुझा निरोप येण्याची वाट पाहात आहे. देवा कंठात प्राण धरुन मी राहीलो आहे माझे मन तर केव्हाच तुमच्या पायापाशीच आले आहे. तुकाराम महाराज म्हणतात, देवा आता यापुढे तू माझ्याबाबतीत काय निर्णय घेशील याचीच मला खूप चिंता वाटत आहे.