3073.
कान फाडूनिया मुद्रा ते घालिती । नाथ म्हणविती जगामाजी ॥१॥
घालोनिया फेरा मागती द्रव्यासी । परि शंकरासी नोळखती ॥२॥
पोट भरावया शिकती उपाय । तुका म्हणे जाय नरकलोका ॥३॥

अर्थ :
काही लोक कान फाडून त्यामध्ये लाकडाच्या किंवा कासवाच्या पृष्ठांचे कर्णभूषणे घालतात व स्वत:ला जगामध्ये नाथ म्हणवितात. अनेक गावामध्ये अनेक ठिकाणामध्ये जाऊन ते फेऱ्या घालतात आणि द्रव्य मागतात परंतू भगवान शंकराला ते ओळखतच नाही. तुकाराम महाराज म्हणतात, असे ढोंगी लोक स्वत:चे पोट भरण्याकरता काहीतरी उपाय शिकतात आणि शेवटी नरकाला जातात.