3285.
देवाचि भंडारी । आदा विनियोग करी ॥१॥
आता न माखे हातपाय । नेणो होते कैसे काय ॥धृपद॥
देवे नेली चिंता । झाला सकळ करिता ॥२॥
तुका म्हणे धनी । त्यासी अवघी पुरवणी ॥३॥

अर्थ :
देवाचा कोशपतीच आमच्या जमाखर्चाची मांडणी करतो. आता आमच्या उदरनिर्वाहासाठी आम्हाला हातपाय मळावेच लागत नाही आणि हे कसे होते हे आम्हाला पण कळत नाही. देवाने आमची सर्व चिंताच नेली आहे आमचे सर्व कार्य करणारा देव झाला आहे. तुकाराम महाराज म्हणतात, आमचा धनी श्रीपाडूरंग आहे त्यामुळे आमच्या सर्व आशा इच्छा अपेक्षा त्यालाच पूर्ण कराव्या लागतात.