617.
तुमचा तुह्मी केला गोवा । आता चुकविता देवा ॥१॥
कैसे सरे चाळवणे । केले काशाला शाहाणे ॥धृपद॥
कासया हो रूपा । नावा आलेति गा बापा ॥२॥
तुका म्हणे आता । न सरे हवाले घालिता ॥३॥

अर्थ :
तुम्ही सगुण रूपात येऊन तुम्हालाच अडकवून घेतले आहे, आता चुकवा चूकवी का करता ? आता आम्हाला तुम्ही मायाजाळात कसे गुंतवू शकाल ? तुम्ही आम्हाला तुमच्या भक्ती विषयी शहाणे केलेत. तुम्ही नावा रुपाला का आलात ? तुकाराम महाराज म्हणतात आता कोणाचाही हवाला देऊन चालणार नाही.