616.
आधार तो व्हावा । ऐसी आस करी देवा ॥१॥
तुम्हापाशी काय उणे । काय वेचे समाधाने ॥धृपद॥
सेवेच्या अभिळासे । मन बहु जाले पिसे ॥२॥
अरे भक्तपराधीना । तुका म्हणे नारायणा ॥३॥

अर्थ :
मला तुझा आधार व्हावा अशी माझी मनापासून इच्छा (आस) आहे. तुमच्या पाशी सर्व काही आहे मला जर त्यातून थोडे दिले तर तुम्हाला काय कमी पडणार आहे ? तुझ्या सेवेच्या इच्छेने माझे मन वेडावून गेले आहे. तुकाराम महाराज म्हणतात हे भक्त पराधीना (भक्तांच्या आधीन असणाऱ्या) माझ्या अंतकरणाचे समाधान कर नारायणा.