618.
माझी भक्ति भोळी । एकविध भावबळी ॥१॥
मी का पडेन निराळा । ऐसा सांडूनि सोहळा ॥धृपद॥
आता अनारिसा । तेथे न व्हावे सहसा ॥२॥
तुका म्हणे जोडुनि पाय । पुढे उगा उभा राहे ॥३॥

अर्थ :
माझी भक्ती भोळी आहे. मी फार एकनिष्ट तुमच्याशी आहे. असा छान चाललेला भक्तीचा सोहळा सोडून मी का निराळा राहू ? देवा तुझ्याशी माझे असे नाते जुळले आहे की आता मी तुझ्याशी बिलगून राहावे. तुकाराम महाराज म्हणतात तू आता तुझे पाय दोन्ही जोडून निट उगाच उभा रहा.