116.
राम नाम वाट हेचि पै वैकुंठ ।
ऐसी भगवतगीता बोलतसे स्पष्ट ॥
अठरा साक्षी साही वेवादत ।
चौघांचेनि मते घेईन भागु ॥
शेवटिले दिवसी धरणे घेईन ।
बापरखुमादेविवरा बळे चि साधीन ॥

अर्थ :
श्रीमत् भगवतगीता स्पष्ट सांगते की श्रीरामाचे नाम हीच वैकुंठाची वाट आहे अठरा पुराणे साही शास्त्र व चार वेद यांचेही तेच मत आहे म्हणून मी सतत रामनाम घेईन. रखमाईचे पती व माझे पिता यांचे नाम माझ्या अंतःकाळापर्यत अट्टाहासाने घेईन व त्या बळावर त्या परमात्म्याला आपलासा करुन घेईन असे माऊली सांगतात.