2475.
देवकीनंदने । केले आपुल्या चिंतने ॥१॥
मज आपुलिया ऐसे । मना लावूनिया पिसे ॥धृपद॥
गोवळे गोपाळा । केले लावूनिया चाळा ॥२॥
तुका म्हणे संग । केला दुरि नव्हे मग ॥३॥

अर्थ :
देवकीनंदनाचे मी चिंतन केले त्यामुळे त्यानेही मला त्याच्यासारखेच केले आहे. त्याने माझ्या मनाला त्याचे वेड लावले आहे. गोवळे आणि गोपाळ यांना देखील त्याने त्यांचा चाळा लावून त्यांना आपल्यासारखेच करून टाकले आहे. तुकाराम महाराज म्हणतात एकदा की त्याचा संग आपण केला की मग तो आपल्यापासून केव्हा ही दूर जात नाही.