2474.
काय तो विवाद असो भेदाभेद । साधा परमानंद एका भावे ॥१॥
निघोनि आयुष्य जाते हातोहात । विचारी पा हित लवलाही ॥२॥
तुका म्हणे भावभक्ती हे कारण । नागवी भूषण दंभ तोचि ॥३॥

अर्थ :
भेद आणि अभेद याविषयी वादविवाद करून काय होणार आहे त्यापेक्षा एका परमानंदाला भक्तिभावाने साध्य करून घ्यावा. अहो तुमचे आयुष्य हातोहात निघून जात आहे त्यामुळे आपले हित कशात आहे याविषयी घाई करून विचार करून पहावा. तुकाराम महाराज म्हणतात परमानंदाची प्राप्ती करून घ्यायची असेल तर त्याला मुख्य कारण म्हणजे भक्तिभाव आहे नाही तर मनुष्याला स्वतःचे भुषण आणि दंभ हे दोनच गोष्टी नागवे करत असतात.