1790.
धर्माचें वाट मोडे । अधर्माची शीग चढे । तै आम्हा येणे घडे । संसारस्थिती ॥१॥
आम्हा का ससारा येणे । हरिभक्ति नामस्मरणें । जडजीव उद्धरणें । नामस्मरणें करुनी ॥२॥
सर्व कर्म ब्रह्मास्थिती । प्रतिपादाव्या वेदोक्ती । हेंचि एक निश्चिती । कारण आम्हा ॥३॥
नाना मतें पाषांड । कर्मठता अति बंड । तयाचे ठेंगणें तोंड । हरिभजनें ॥४॥
विश्वरुप सृष्टी । अर्जुना दाविली दृष्टी । भिन्नं भेदाची गोष्टी । बोलु नये ॥५॥
एका जनार्दनी । धरिती भेद मनी । दुर्‍हावले येथुनी । निंदक जाण ॥६॥