1607.
बळीवंत कर्म । करी आपुला तो धर्म ॥१॥
पुढे घालुनिया सत्ता । न्यावे पतना पतिता ॥धृपद॥
आचरणे खोटी । केली सलताती पोटी ॥२॥
तुका म्हणे देवा । नाही भजन केली सेवा ॥३॥

अर्थ :
प्रारब्ध, कर्म हे फार बलवंत असतात त्यामुळे तेच शरीराला भोग घडवितात. प्रारब्ध कर्म पापी मनुष्याला पुढे घालून आणखी पतनाला नेत असतात. जे वाईट कर्मे केलेली असतात, जे वाईट आचरण केलेले असतात ते पोटात सलतात कारण त्यामुळे अनेक प्रकारचे दुःख भोगावे लागतात. तुकाराम महाराज म्हणतात देवा‌ ज्याणे तुझे भजन आणि सेवा केली नाही त्याच्याकडून तर नक्कीच पाप घडते असते.