314.
मी तो दीनाहूनि दीन । माझा तूज अभिमान ॥१॥
मी तो आलो शरणागत । माझे करावे स्वहित ॥धृपद॥
दिनानाथा कृपाळुवा । सांभाळावे आपुल्या नावा ॥२॥
तुका म्हणे आता । भले नव्हे मोकलिता ॥३॥

अर्थ :
देवा मी तर दिना पेक्षाही दिन आहे तरी पण तुला माझा अभिमान आहे. मी तुला शरण आलेलो आहे त्यामुळे हे देवा तू माझे स्वहित म्हणजे कल्याणकर. हे दीनानाथा कृपा घना तुझे ब्रीद, तू दयाळू आहेस याचे पालन केले पाहिजे. तुकाराम महाराज म्हणतात तू जर माझ्याकडे लक्ष दिले नाहीस तर तुला हे असे शोभणार नाही.