619.
आहे तरि सत्ता । ऐशा करितो वारता ॥१॥
अंगसंगाची उत्तरे । सलगी सेवन लेकुरे ॥धृपद॥
तरो निकटवासे । असो अशंकेच्या नासे ॥२॥
तुका म्हणे रुची । येथे भिन्नता कैची ॥३॥

अर्थ :
माझा तुझ्यावर हक्क आहे. म्हणून मी असे शब्द बोलतो. आंम्ही भक्त म्हणजे तुझी छोटी बालके आहोत. याच करणा मुळे आमचे बोलणे सलगीचे आहे. कोणतीही शंका न धरता आम्ही तुझ्या जवळ राहू. तुकाराम महाराज म्हणतात हरी विषयी मला ऐवढी गोडी लागली आहे की, आता कसली भिन्नता मनात येणार ?