102.
पाचाचे उसने घेऊनी शरीर ।
आलासी ते सार ब्रह्म साधी ॥१॥
कासया काबाड वाहतोसी ओझे ।
लटिके ते तुझे नोव्हे रया ॥२॥
अस्थि मांस त्वचा नाडी आणि रोम ।
ज्याचे त्यासी वर्म समर्पावे ॥३॥
लाळ मुत्र स्वेद शुक्र हे शोणित ।
आपाचे हे सत्य गुण पाच ॥४॥
क्षुधा तृषा निद्रा आळस मैथुन ।
तेजाचे गुण जाण पाच ॥५॥
धवन वळण निरोध आकोचन ।
पाच गुण जाण वायूचे ॥६॥
राग द्वेष भय लज्जा आणि मोह ।
पाच गुण होय आकाशाचे ॥७॥
ऐसे हे पंचवीस पाचाचे जाणून ।
ब्रह्मप्राप्ति जाण साधी पा रे ॥८॥
ऐसे हे शरीर घेऊनी आलासी ।
साधी आत्मयासी येथे बापा ॥९॥
बहेणि म्हणे नको भुलो त्या अनित्या ।
वोळखोनी सत्या रापे पा रे ॥१०॥