3968.
(लळित)
आजी दिवस झाला । धन्य सोनियाचा भला ॥१॥
झाले संताचे पंगती । बरवे भोजन निगुती ॥धृपद॥
रामकृष्णनामे । बरवी मोहियेली प्रेमे ॥२॥
तुका म्हणे आला । चवी रसाळ हा काला ॥३॥

अर्थ :
आजचा दिवस अतिशय सोनियाचा म्हणजे चांगला उगवला आहे आजचा दिवसच धन्य आहे. आज संतांच्या पंगतीत बसून त्यांच्या जवळ बसून मला चांगले परमार्थिक भोजन मिळाले आहे. राम कृष्ण या नामातील प्रेमाने जेवणातील प्रत्येक पकान्न स्निग्ध आणि मधुर झाले आहेत. तुकाराम महाराज म्हणतात कि देवाच्या चिंतनाचा व अभेदरूपी हा काला अतिशय रसाळ झाला आहे.