3409.
आता माझ्या मना । इची घडो उपासना ॥१॥
ऐसे करी गा पांडुरंगा । प्रेम वोसंडेसे अंगा ॥धृपद॥
सर्व काळ नये । वाचे विट आड भये ॥२॥
तुका वैष्णवांसंगती । हेचि भोजन पंगती ॥३॥

अर्थ :
आता माझ्या मनाला हरीकथेचीच उपासना घडावी एवढीच विनंती आहे. आणि हे पाडूरंगा ती उपासना करत असताना माझ्या अंगातून प्रेमच बाहेर ओसंडत राहावे असेच तुम्ही करा. पाडूरंगा सर्वकाळ जरी मी हरीकथा करत राहीलो तरी माझ्या वाचेला हरीकथेविषयी वीट येऊ देउ नको आणि हरीकथा करताना कोणत्याही प्रकारचे भय आडवे येऊ देऊ नकोस. तुकाराम महाराज म्हणतात, पाडूरंगा माझी एवढीच इच्छा आहे की वैष्णवांच्या पंगतीत बसून मला हरीकथेचे भोजन मिळावे.