3076.
होउनी जंगम विभूती लाविती । शंख वाजविती घरोघरी ॥१॥
शिवाचे निर्माल्य तीर्था न सेविती । घंटा वाजविती पोटासाठी ॥धृपद॥
तुका म्हणे त्यासी नाही शिवभक्ती । व्यापार करिती संसाराचा ॥२॥

अर्थ :
काही लोक जंगम होऊन विभूती लावतात आणि घरोघरी जाऊन शंख वाजवतात. परंतू शिवाचे निर्माल्य आणि तीर्थाचे सेवन मात्र हे लोक करत नाहीत. पोटासाठी मात्र घंटा वाजवून भिक्षा मागतात. तुकाराम महाराज म्हणतात, अशा ढोंगी मनुष्याला शिव भक्तीविषयी श्रध्दा मुळीच नसते केवळ संसाराचा व्यापार चालवण्याकरता अशा प्रकारचे ढोंग हे लोक करत असतात.