2279.
काकड आरती

उठा अरुणोदय प्रकाश जहाला | घंटागजर गर्जिन्नला |
हरि चौघडा सुरू जाला | काकड आरति समयाचा ॥१॥
महाद्वारी वैष्णव जन | पूजा सामग्री घेऊन |
आले द्यावे तयासि दर्शन | बंदीजन गर्जती ॥२॥
सभामंडपी कीर्तनघोष | मृदंग टाळ विणे सुरस |
आनंदे गाती हरीचे दास | परम उल्हास करूनिया ॥३॥
चंद्रभागे वाळवंटी | प्रातःस्तानाची जनदाटी |
आता येतिल आपुले भेटी | उठी उठी गोविंदा ॥४॥
ऐसे विनवी रुक्मिणी | जागृत जाहाले चक्रपाणि |
नामा बद्धांजुळी जोडुनी | चरणी माथा ठेवितसे ॥५॥