2365.
स्थापक व्यापक सर्वदेशीं भरला । पाहता तो भला पंढरीये ॥१॥
असोनिया नसे नसोनियां असे । योगिया हृदयी वसे दृष्टी न पडे ॥२॥
एका जनार्दनी भुवैकुंठनायक । उभा असे सम्यक विटेवरी ॥३॥
२३६६ .
जेथोनि त्रिपुटीचें विंदान 2366
जेथोनि त्रिपुटीचें विंदान । दृश्य द्रष्टा आणि दरुशन ॥१॥
अध्यात्म अधिभुत असता पाही । अधिदैव सुर्य जेथे नाही ॥२॥
अध्यात्म अधिदैव दोन्ही आहे । अधिभुत दृश्य दरुशन पाहे ॥३॥
जेथे दृश्याचें दरुशन । तेथे एक जनार्दन ॥४॥