2005.
उल्लंघिली लाज । तेणे साधियेले काज ॥१॥
सुखे नाचो पैलतीरी । गेलो भवाचे सागरी ॥धृ॥
नामाची सांगडी । सुखे बांधिली आवडी ॥२॥
तुका म्हणे लोका । उरली वाचा मारी हाका ॥३॥

अर्थ :
आम्ही परमार्थ प्राप्ती साठी लाज भयाचेही उल्लंघन केले आहे. ते लाज सोडल्यामुळे आमचे कार्य प्राप्त केले आहे आम्ही भव नदी तरून पार गेलो आहे व सुखाने नाच आहोत आणि ते केवळ हरी नामाच्या छदाणेच. तुकाराम महाराज म्हणतात आता आमचे कार्य संपले आहे आणि आता फक्त लोकांना परमार्थ मार्गाला लागा असे हाक मारण्यासाठीच हि वाचा कामाला लागली आहे.