3322.
हे तो वाटले आश्चर्य । तुम्हा न धरवला धीर ॥१॥
माझा फुटतसे प्राण । धाव धाव म्हणऊन ॥धृपद॥
काय नेणो दिशा । झाल्या तुम्हाविण वोसा ॥२॥
तुका म्हणे का गा । नाइकिजे पांडुरंगा ॥३॥

अर्थ :
देवा मी तुम्हाला इतकी करुणा भाकली तरी देखील तुम्ही इतका धीर धरला या गोष्टीचे मला खरोखर आश्चर्य वाटत आहे. अहो देवा माझी मदत करण्यासाठी मी तुम्हाला हाक मारतोय धावा असे मी तुम्हाला म्हणतोय तरी देखील तुम्ही माझ्या मदतीला येत नाही तुम्हाला आळवताना माझा प्राण फुटत आहे. अहो देवा मग तुमच्यावाचून सर्व दिशा ओस पडल्या आहेत की काय ही गोष्ट मला काही कळत नाही. तुकाराम महाराज म्हणतात, हे पाडूरंगा मी तुम्हाला करुणा भाकतो तरी देखील तुम्ही का ऐकत नाहीत ?