371.
बैसू खेळू जेवू । तेथे नाम तुझे गाऊ ॥१॥
रामकृष्णनाममाळा । घालू ओवुनिया गळा ॥धृपद॥
विश्वास हा धरू । नाम बळकट करू ॥२॥
तुका म्हणे आता । आम्हा जीवन शरणागता ॥३॥

अर्थ :
आम्ही जेथे जेथे जेवू-खाऊ खेळु कोणतेही कर्म करत राहू तेथे तुझे नाम घेत जाऊ. रामकृष्ण नामाची माळ आम्ही आमच्या गळ्यात म्हणजे कंठात घालू. हे नांव आम्हाला तारणारे आहे हा विश्वास मनात धरून आम्ही तुझे नाम अखंड घेण्यासाठी आजून दृढनिश्चय करू. तुकाराम महाराज म्हणतात आम्हा शरणागतांना जीवनात तुझे नाम घेणे आता एवढेच काम आहे.