2252.
धन्य बा ह्या ऐशा नारी । घरी दारी नांदती ॥१॥
चोरूनिया तुजपाशी । येता त्यासी न कळता ॥धृपद॥
दोन्ही ठायी समाधान । सम कठीण बहुतचि ॥२॥
तुका म्हणे जीवासाठी । दुर्लभ भेटी ते देवा ॥३॥

अर्थ :
गोकुळातील स्त्रिया, नारी, सर्व बया धन्य आहेत की ज्या घरी ही सुखाने नांदतात आणि तुझे दर्शनही सुखाने घेतात. आणि घरी कोणालाही कळू न देता चोरून तुझ्या जवळ येत असत. देवा त्यांना तुझ्या ठिकाणी आणि संसारात दोंही ठीकाणी सारखेच समाधान मिळत होते, खरे तर दोन्हीकडे सारखे समाधान मिळणे हे पुष्कळ जनांसाठी कठीण असते. तुकाराम महाराज म्हणतात आपला जीव अर्पण करून देवाची भेट घेणारे जगामध्ये दुर्लभच आहेत.