2251.
आपुल्या आम्ही पुसिले नाही । तुज काही कारणे ॥१॥
मागे मागे धावत आलो । काही बोलो यासाठी ॥धृपद॥
बहुत दिस होते मनी । घ्यावी धणी एकांती ॥२॥
तुका म्हणे उभा राहे । कान्हो पाहे मजकडे ॥३॥

अर्थ :
देवा तुझ्याकडे काही कारणास्तव येतांना आम्ही आम्हाला देखील विचारले नाही. तुझ्याबरोबर काहीतरी बोलावे यासाठी आम्ही तुझ्या मागे मागे धावत आलो. खूप दिवसापासून मनात होते की एकातामध्ये तुझे सुख भोगावे म्हणून. तुकाराम महाराज म्हणतात हे कान्हा आम्ही तुझ्या मागे मागे आलो परंतु तु थोड्यावेळ तरी उभा राहून माझ्याकडे पहा.