1000.
नामपर

अखंड भूतदया मानसी ।
वाचे नाम अहर्निशी ।
तया न बिसबे हषिकेशी ।
मागे मागे हिंडतसे ॥१॥
जिही परकारणी वेचिले ।
शरीर आयुष्य आपुले ।
धन वित्तही वंचिले ।
तया विठठले सन्मानिजे ॥२॥
जिही गाईले नित्य नाम ।
अंतरी धरुनिया प्रेम ।
तया वस्तिसी निजधाम ।
निर्मूनिया ठेविले ॥३॥
जिही धरिला संतसंग ।
दुराविले त्रिविध जग ।
तया सखा पांडुरंग ।
निजानुभवे जोडला ॥४॥
निळा म्हणे सद्गुरु भक्ति ।
दास्य ब्राम्हणांचे अनुरक्ती ।
तयालागी हा श्रीपती ।
करी सांगाती आपुला ॥५॥