594.
माझिया भावाचे खंडण ।
नव्हे ऐसे करा दान ।
मुखी नाम तुमचे स्‍मरण ।
राहो चरणावरी दृष्टी ॥१॥
आणखी मी न मागे काही ।
वसो प्रेम तुमच्या ठायी ।
करुनि कृपा आठव देई ।
आवडी कीर्तनी सर्वदा ॥२॥
सुखे भोगीन प्रारब्धठेवा ।
येईल तैसा वोढवोनि देवा ।
मानामान न करी हेवा ।
विसर न पडावा तुमचाची ॥३॥
काय करतील निंदक जन ।
आसना ठायी सावधान ।
तुमचे करिता नित्य चिंतन ।
कैचे बंधन आम्हा दासा ॥४॥
गाईन गुण तुमचे गीती ।
विषय-वासना-दिका शांती ।
तुमच्या पायी जडता प्रीती ।
निळा विनंति करी ऐसी ॥५॥