1645.
विठ्ठल टाळ विठ्ठल दिंडी । विठ्ठल तोंडी उच्चारा ॥१॥
विठ्ठल अवघ्या भांडवला । विठ्ठल बोला विठ्ठल ॥धृपद॥
विठ्ठल नाद विठ्ठल भेद । विठ्ठल छंद विठ्ठल ॥२॥
विठ्ठल सुखा विठ्ठल दुःखा । तुकया मुखा विठ्ठल ॥३॥

अर्थ :
लोकांनो तुम्ही टाळ आणि विणा हे विठ्ठल स्वरूप माना आणि तोंडाने विठ्ठल असे म्हणा तसाच उच्चार करा. विठ्ठल सर्व प्रकारचे भांडवल आहे त्यामुळे तोंडाने विठ्ठल विठ्ठल असे बोला. सर्व प्रकारचा नाद भेद हे विठ्ठलच आहे त्यामुळे तुम्हाला विठ्ठल विठ्ठल असा छंद लागू द्यावा. तुकाराम महाराज म्हणतात सुख आणि दुखः यावेळी नेहमी विठ्ठल विठ्ठल असा छंद लागू द्यावा त्यामुळे माझ्या मुखा मध्ये नेहमी विठ्ठला हेच नाम आहे.