195.
देवे भक्तालागी उपचार मांडिले ।
शांति सुखसनी मागे बैसविले ।
धरुनि तन्मयाची छत्रे गौरविले ।
ज्ञानसंपत्तीचे दळभार दिधले ॥१॥
सुखे राज्य करा म्हणे त्रिमुवनी ।
माझे ऐश्वर्य हे सर्वांगी लेंउनी ।
मिरवा भूषणे ही यश कीर्ति दोन्ही ।
माझी आयुधे ही देतो संतोषोनी वो ॥२॥
शांती विरक्ती हे मूर्तिमंत दया ।
क्षमा नित्यानंदे तुम्हा अर्पिलिया ।
अखंड नैराश्यता सेवे तुमचिया ।
ठेविली निकट वासे नवजती आन ठाया वो ॥३॥
निळा म्हणे ऐसा भक्तांचा समुदाय ।
देवैं आनंदविला प्रीतीच्या उत्साहे ।
म्हणे निर्भय असा जवळीच मी आहे ।
भोगा सुख माझे निजाचे अव्दय वो ॥४॥