2043.
काही न मागती देवा । त्यांची करू धावे सेवा ॥१॥
हळूहळू फेडी ॠण । होऊनिया रूपे दीन ॥धृपद॥
होऊ न सके वेगळा । क्षण एक त्या निराळा ॥२॥
तुका म्हणे भक्तीभाव । तोचि देवाचा ही देव ॥३॥

अर्थ :
देवाला काहीही न मागण्याचे ज्याची मनस्थिती असते अशा भक्ताची सेवा करण्यासाठी देव धाव घेतो. हा देव भक्तांचे जे सेवा रुपी ऋण त्याच्याकडे असते ते फेडण्या करता दीन-दुबळे रूप धारण करतो व हळूहळू फेडून टाकतो. भक्तांच्या पासून एक क्षणभर देखील हा देव वेगळा होऊ शकत नाही. तुकाराम महाराज म्हणतात ज्याची खरी देवाविषयी भक्तिभाव एकनिष्ठता आहे तोच खरा देवाचाही देव आहे.