2042.
प्रमाण हे त्याच्या बोला । देव भक्तांचा अंकिला ॥१॥
न पुसता जाता नये । खाली बैसता ही भिये ॥धृपद॥
अवघा त्याचा होय । जीव भावाही सहित ॥२॥
वदे उपचारे वाणी । काही माग म्हणऊनि ॥३॥
उदासीनाच्या लागे । तुका म्हणे धावे मागे ॥४॥

अर्थ :
देव भक्ताचा अंकित आहे आणि भक्तांचा प्रत्येक शब्द तो प्रमाण मानतो. त्यामुळेच देव भक्तांना न विचारता कोठेही जात नाही आणि एवढेच नाही तर खाली बसण्यासाठीही भक्ताला विचारवा लागेल आणि त्याला न विचारता आपण बसलो बसू नये एवढे भक्ताला तो भितो. एवढा तो भक्तांचा जीवाभावा सहीत होऊन राहतो. भक्ताची सेवा पाहून देव भक्ताला म्हणतो अरे तु माझी एवढी सेवा करतो तु मला काहीतरी माग तरी. तुकाराम महाराज म्हणतात देहाविषयी उदासीन झालेल्या भक्तांच्या मागे तु काहीतरी माग असे म्हणून हा देव त्याच्या पाठीमागे लागतो.