3872.
जोहार मायबाप जोहार । मीनिर्गुणपुरीचा महार । सांगतो सारासार विचार । तो ऐका की जी मायबाप ॥१॥ कौल वर्ष शंभर । जीवाजीस दिले घर । शिवाजी तेथे मामलेदार । अवघा कारभार जीवाजींचा की ॥२॥ कौलांतलिहीली बोली । परंतु जीवाजी विसरले चाली । धन्याचे दरबारची शुध्दी नाही के लीं । मगपस्तावले की ॥३॥ कौल भरला परिपूर्णे । यमाजीचे बैसले धरणे । जीवाजीचे उडालें ठाणे । मग दीनवदने राहीले की ॥४॥ यमाजीने धरूनीनेले । जीवाजी आपआपणा विसरले । धन्याचीबाकी विसरले । मागूती जन्मासी आले की ॥५॥ ऐसे जन्म लक्ष चौऱ्याऐंशी । फेरे जाहलें जीवाजीसीशरण एका जनार्दनाशीं । तरीच फेरे चुकती कीजीमायबाप ॥६॥