2395.
भूमी शोधोनी साधिले काज । गुरुवचन बीज पेरियलें ॥१॥
कैसे पिक पिकलें प्रेमाचें । सांठवितां गगन टाचें ॥२॥
सहाचारी शिणले मापारी । कळला नव्हे अद्याप वरी ॥३॥
एकजनार्दनी निजभाव । देही पिकला अवघा देव ॥४॥
२३९६ .
मी मी म्हणता अवघे मी जालों
मी मी म्हणता अवघे मी जालो । तूंपणाचा बोला लाजूनियां ठेलो ॥१॥
मी ना कोणाचा ना माझे कोणी । एकुविण एकु सहज निर्वाणीं ॥२॥
माझे मीपण मजमाजीं निमाले । एकोनेक सकळ सहजी सहज जाले ॥३॥
एकाजनार्दनी गणीत नवानी येकु । परापरते सारुनी उगला सिध्दांतु ॥४॥