3692.
(काला)
पाहाती गौळणी । तव पालथी दुधाणी ॥१॥
म्हणती नंदाचिया पोरे । आजि चोरी केली खरे ॥धृपद॥
त्याविण हे नासी । नव्हे दुसरिया ऐसी ॥२॥
सवे तुक्या मेला । त्याणे अगुणा आणिला ॥३॥

अर्थ :
दुधाची सर्व भांडी पालथी घालून ठेवलेली गौळणीनी पाहिली. त्या म्हणाल्या, नंदाच्या मुलाचे हे काम आहे. त्यानेच ही चोरी केली. दुधाची अशी नासाडी दूसरे कुणी करणार नाही. तुकाराम महाराज म्हणतात, हा मेला तुक्या त्यांच्याबरोबर होता, त्यानेच निर्गुण अश्या इश्वराला बरोबर आणले असले पाहिजे.