2177.
तुझा संग पुरे संग पुरे । संगति पुरे विठोबा ॥१॥
आपल्या सारिखे करिसी दासा । भिकारिसा जग जाणे ॥धृपद॥
रूपा नाही ठाव नावा । तैसे आमुचे करिसी देवा ॥२॥
तुका म्हणे तोये आपुले भेंडोळे । करिसी वाटोळे माझे तैसे ॥३॥

अर्थ :
हे विठोबा तुझी संगती आता पुरी झाली हे मी तुला त्रिवार सांगत आहे. कारण हे विठोबा तु आपल्या दासाला ही आपल्यासारखा भिकारी करतो हे सर्व जगाला माहित आहे. अरे तुला रुप नाही नांव नाही तसेच आमचेही करशील रे देवा. तुकाराम महाराज म्हणतात अरे देवा तु क्षिरसागरामध्ये बुडालेला आहेस तसे तुझ्यासारखे माझे वाटोळे करशील.