2694.
आम्हा बोल लावा । तुम्हा अनुचित हे देवा ॥१॥
ऐसे सांगा का व्यालेती । काय नाही तुम्हा हाती ॥धृपद॥
आता धरा दुरी । वाया दवडाया थोरी ॥२॥
तुका म्हणे ठायी । ऐसे विचारावे पायी ॥३॥

अर्थ :
हे देवा तू आमच्यावर दोष ठेवून आम्हाला बोलावे हे योग्य नाही. आम्हाला मग तुम्ही जन्मच का बरे दिला आणि तुमच्या हाती काय नाही ते तुम्ही सांगा. देवा तुम्ही जर आम्हाला तुमच्यापासून दूर धराल तर तुमचा मोठेपणा वाया जाईल. तुकाराम महाराज म्हणतात, या गोष्टीचा तुम्ही स्वत:शीस विचार करा.