57.
विप्र वेष तेव्हा घेऊनि निघाला । गोकुळासी आला लागवेगे ॥१॥
पुत्रोत्सव कोठे लोकांला पुसत । भावीत सांगत नंदाघरी ॥२॥
ऐकोनिया ऐसे आला अकस्मात । येशोदा देखत सन्मुख त्या ॥३॥
श्रीकृष्णासी तेव्हा वोसांगी घेतले । दंडवत केले ब्राह्मणासी ॥४॥
सन्मुख बैसोनि वर्तमान पुसे । बाळाचे या कैसे चिन्ह सांगा ॥५॥
पंचांग त्या वेळी टाकिले कपटासी । मान तुकावोनि पाहातसे ॥६॥
नामा ह्मणे मैंदे पंचांग पाहून । यशोदा लाऊन बोलतसे ॥७॥