3450.
(मंबाजी गोसव्याने मारले त्यासमयीचे अभंग)
का होती का होती । देवा एवढी फजीती ॥१॥
मुळी वर्म नसतो चुकलो । तो मी ऐसे चित्ती ॥धृपद॥
होणार होऊनि गेले । मिथ्या आता खंती रे ॥२॥
तुका म्हणे पुरे आता । दुर्जनाची संगती रे ॥३॥

अर्थ :
देवा, माझी एवढी फजीती का होत आहे?. मूळ वर्म मी चुकालो नसतो, ते चित्तात धरून ठेवले असते तर माझी अशी फजीती झाली नसती. जे व्हायचे ते होते, ते होऊन गेले. त्याबद्दल खंत कशाला करत बसु?. तुकाराम महाराज म्हणतात, देवा, दुर्जनांचा सहवास पुरे झाला आता.